موعد نزول الشهاده لخريجي كليه الحقوق جامعه القاهره 2025

                التوضيح التالي لطلاب دور أكتوبر
                حابين نطمنكم إن الشهادة المؤقتة بإذن الله هتكون متاحة للاستلام في الكلية في بداية شهر نوفمبر القادم. 
                الإجراءات الإدارية والمراجعات بتاخد وقتها الطبيعي، فالموضوع كله مسألة وقت بسيط جدًا ومفيش أي تأخير مقصود. عشان كده، مفيش أي داعي للقلق من النقطة دي خالص.
                
                فيه نقطة تانية مهمة لازم تعرفوها، وهي "الإفادة".
                الإفادة دي وثيقة رسمية ومختومة بتثبت إن حضرتك أنهيت دراستك بنجاح وليها نفس قوة الشهادة في إثبات التخرج أمام الجهات المختلفة بشكل مؤقت.

والإفادة نزلت بالفعل من حوالي أسبوع وموجودة حاليًا في شؤون الكليه

طب مين اللي محتاج يطلع الإفادة دي فورًا؟ الإفادة دي معمولة بشكل أساسي لهدفين:

للشباب المطلوبين للخدمة العسكرية: عشان تقدر تقدم ورقك للجيش في المواعيد المحددة، الإفادة دي بتكون هي الإثبات الرسمي المطلوب منك.

للتقديم في أي عمل: لو جاتلك فرصة شغل ومحتاج تقدم إثبات تخرج بشكل عاجل عشان تخلص إجراءات التعيين، الإفادة هتكون كافية جدًا وتفي بالغرض.

الخلاصة: لو حضرتك مش مستعجل ومش محتاج تقدم أي ورق رسمي لأي جهة حاليًا، يبقى ممكن تنتظر بهدوء لبداية شهر 11 وتستلم الشهادة المؤقتة بتاعتك. 
أما لو محتاج إثبات تخرج ضروري للجيش أو لشغل، تقدر تتوجه للكلية وتستلم الإفادة بتاعتك بعد أسبوع من تاريخ التقديم على موقع الكليه

المطلوب للإفاده: صوره شخصيه - شهاده ميلاد - بطاقه إثبات الهويه - ووصل الرسوم - وأصل إخلاء التربيه العسكريه للشباب

بالتوفيق ليكم بجد