حصلت مشادة كلامية بيني وبين واحد جاري في الشارع بسبب ركنة العربية. الكلام تطور بسرعة وبدون أي مقدمات، لقيته مسك قطعة خشب كانت مرمية في الشارع وضربني بيها على راسي.
الضربة كانت شديدة وفتحت راسي ونزفت دم كتير.
الجيران اتدخلوا وحاشوه عني، وأنا طلعت فوراً على أقرب مستشفى حكومي. عملولي إسعافات أولية وخيطولي الجرح بـ 7 غرز،
وادوني تقرير طبي مكتوب فيه "جرح قطعي في فروة الرأس نتيجة الإدعاء بالتعرض للضرب من آخرين، ويحتاج لعلاج مدة أقل من 21 يوماً".
بعد ما أخدت التقرير الطبي، طلعت على قسم الشرطة وعملت محضر بالواقعة، وحكيت كل اللي حصل بالتفصيل، وذكرت أسماء اتنين من الجيران اللي شافوا الواقعة ومستعدين يشهدوا معايا. المحضر أخد رقم وأعرفت إنه اتحول للنيابة.
دلوقتي جاري ده وأهله بيحاولوا يدخلوا ناس في الموضوع عشان أتصالح وأتنازل عن المحضر، وفي نفس الوقت بسمع تهديدات من بعيد إنه لو متنازلتش هيعملي محضر كيدي ويدعي إني أنا اللي اتهجمت عليه الأول.
الجريمة اللي هو عملها دي تتصنف إيه في القانون هل هي جنحة ضرب بسيطة ولا ممكن تكون حاجة أكبر
وهل من حقي أطالب بتعويض مادي عن الضرر اللي حصلي ده
عاوز اخرب بيته
.png)