مضيت على إيصال أمانة على بياض ودلوقتي بتهددني بيه

                 بدأت مشروع صغير أونلاين من البيت عشان أساعد في مصاريف ولادي. كنت محتاجة مبلغ بسيط عشان أبدأ، حوالي ٢٠ ألف جنيه. واحدة معرفة وجارتي عرضت إنها تسلفني المبلغ ده، وقالتلي "عشان بس نطمن، امضيلي على إيصال أمانة، وأول ما ترجعي الفلوس هقطعه قدامك".

للأسف، وبسبب حُسن النية والثقة اللي كانت بيننا، مضيت لها على إيصال أمانة على بياض، يعني ورقة فاضية عليها توقيعي بس، وأخدت منها المبلغ. خلال الشهور اللي فاتت، كنت بسدد لها أقساط الدين بانتظام، وآخر قسط سددته كان من شهر، وبكده أكون سددت المبلغ كله بالكامل. الحمد لله عندي إثبات بمعظم المبلغ اللي سددته عن طريق تحويلات على حسابها البنكي.

لما طلبت منها الإيصال عشان آخده، بدأت تماطل وتقولي "مش لاقياه"، "لما أروّق هدور عليه"، "ده في بيت أهلي هجيبهولك". فضلت أطلب منها كل يوم لحد ما كانت الصدمة.

من يومين، اتصلت بيا وقالتلي إنها بتمر بأزمة مالية، وإنها كتبت في إيصال الأمانة اللي معايا مبلغ ٢٥٠ ألف جنيه! وقالتلي يا إما أدفع لها المبلغ ده خلال أسبوع، يا إما هتروح تقدم الإيصال للنيابة وتعملي بيه قضية وتدخلني السجن.

أنا دلوقتي بكلمكم وأنا مرعوبة ومش بنام. أنا معملتش حاجة غلط وسددت اللي عليا، لكن توقيعي موجود على الورقة. معايا صور من رسايل الواتساب القديمة اللي بنتكلم فيها عن مبلغ الدين الأصلي (الـ ٢٠ ألف)، ومعايا إثباتات التحويل البنكي اللي بتثبت السداد. وهي كمان بتبعتلي رسايل تهديد وابتزاز دلوقتي.

هل توقيعي على إيصال أمانة على بياض ده بيعتبر دليل ضدي في المحكمة حتى لو هي اللي كتبت المبلغ بخط إيديها ومن غير علمي
                نا خايفة جدًا من فكرة المحاضر والأقسام. لو هي قدمت البلاغ، هل ممكن أتعرض للحبس أو يصدر ضدي حكم قبل ما أقول دفاعي وأقدم الأدلة اللي معايا